Gústanos facer que as boas ideas sucedan. Contamos cunha ampla traxectoria na creación e produción de televisión, ficción, documental, contidos culturais, artes escénicas e eventos. A experiencia e un equipo propio permítennos implicarnos en cada proxecto de principio a fin, coidando tanto a idea como a maneira de facela realidade.
Congresos, convencións, presentacións, encontros, lanzamentos de produto, podcasts, streaming, eventos culturais ou corporativos. Sexa cal sexa o reto, temos as ideas, a experiencia, as instalacións, os medios técnicos, o equipo e as persoas adecuadas para facelo posible.
En Chiripa temos todo iso. E ganas de poñelo en marcha.
Pensar + producir + resolver + executar
Executamos e xestionamos a produción do teu proxecto audiovisual, cubrindo as necesidades de persoal e técnicas.
Realizamos en directo en multicámara 4K con saída para multiplataforma.
Facemos produción técnica e artística, xestión de invitados e asistentes, coordinación de equipos e espazos... e que o teu evento sexa posible!
Montamos, etalonamos, postproducimos e preparamos os conformados do teu proxecto.
Cunha experiencia de 20 anos neste campo, coordinamos a produción de espectáculos escénicos tanto en teatros como ao aire libre, de pequeno e gran formato.
Estamos en Oleiros, con novas instalacións propias, dotadas de plató e oficinas, así como de todo o equipamento técnico necesario para a gravación en 4K, posto de realización en directo e sala de posprodución.
